“The Cape Espirito Santo”

Palapag, Northern Samar – ang aking lupang sinilangan, ang lugar ni Sumoroy, at lugar ng mga waray-waray na ginawang libingan ng mga matatamis na pangako ng mga tradisyonal na politiko. Binisita minsan ng dating Pangulong Fedil Ramos at ni GMA nong kakandidato pa lamang sya sa pagka-senador. Di ko lang alam kung anong pangako dati ni Mr. Ramos, bata pa kasi ako non at nong kay Pangulong GMA naman wala din akong matandaan. Ang alam ko lang ay ang pangako ni Erap, “pag ako naging presidente I will connect the Pacific towns to the mainland of Samar” – hiwalay kasi ang limang bayan sa bandang pasipiko (Lao-ang, Palapag, Mapanas, Gamay at ang bayan ng Lapinig) tanging pump boat lang hanggang ngayon ang sakayan para makarating sa bayan namin. Isang tulay lang naman ang kailangan para makonekta ang bayan namin sa sinasabing mainland ni Erap, humigit kumulang sa 100metro lang ang layo ng tutulayan di pa matapos-tapos kasi ni hindi rin naman maumpisahan.

Minsan nakausap ko sa Cavite ang isa sa mga tauhan ng unang kompanya na nanalo sa bidding ng gagawa ng tulay. Umatras daw sila dahil sa dalawang rason, una, humihingi ng parte ang dating Congressman, pangalawa, himihingi ng revolutionary tax ang grupo ng mga taong galit sa Gobyerno. Sayang, malaking tulong pa naman para sa mga taga-pasipiko ang tulay para sana isang sakayan na lang ang biyahe galing Cubao hanggang sa bayan namin.

Kahit yong mga nagdaang mga Provincial Governor at mga Congressman ay puro napako lang ang matatamis nilang pangako. Pasikatan lang sila ng kanilang chopper at palakihan ng boses sa political rallies na tuwang-tuwa naman ang mga pobreng kababayan ko sa pakikinig don sa mga pekeng pangako wala namang nagagawa pag nasa pwesto na.. Anyway halos ganon din naman ata sa ibang parte ng Pinas kaso mas malala nga lang sa Northern Samar.

“Beneath the boulder”

Pero kahit naman ganon ang mga pangyayari ay masayahin pa rin naman ang mga taga-pasipiko. Halikayo at ipapasyal ko na lang kayo sa lugar na kinalakihan ko. Magtiis lang kayo sa travel galing Maynila, medyo may katagalan pag bus ang sasakyan galing Cubao, mahal kasi sa plane eh.

Magsimula tayo sa pinakadulong destinasyon, sa Brygy. Cabatuan. Kaya siguro ganon ang pangalan ng barangay kasi maraming naglalakihang rock formations sa kanilang lugar. Mababait ang mga tao dito, kailangan lang makipag-coordinate sa Kapitan ng barangay para mahanapan kayo ng tour guide. Ingat lang sa daan kasi maraming aso sa kalsada baka mayari kayo ng may rabies na aso.

“The explorer”

Ah, nga pala, walang 7-11 dito, mas mainam na bumili ng makakain sa bayan bago pumunta sa destinasyon. Sa tubig ay walang problema, may mga mineral water na sa tindahan. Matutlis ang mga bato kaya kailangan ng matibay na sandals, o kaya’y mas mainam pag hiking shoes para iwas gasgas sa mga daliri sa paa pag namamali ng apak.

Bawal magkalat ng basura, sabi ni Bayani “kung maari ay ibulsa mo na ang maliit mong basura” para makatulong kayo sa pag-iwas ng kalat. Bawal ang masyadong maingay, pinaniniwalaan ng mga matatanda na engkantado ang lugar.

“Denver’s comet”

Walang opisyal na alituntunin sa pagbisita kaya gamitin ang common sense para maiwasan ang disgrasya. Wala ring opsisyal na nakatalang pangalan ang mga bato sa ngayon kaya kahit anong pangalan ang gusto nyong ipangalan sa mga rock formations, nasa sa inyo na yon.

“What my glasses see…”

Wag kalimutan ang first-aid kit, walang clinic na malapit. Walang signal ang celfon sa lugar kaya wag masyadong hihiwalay sa tour guide, mas mainam kung may mp3 player para may mapaglibangan.

“The artificial smoke”

Mag-ingat sa pag-akyat kung may balak kayong pumuta sa tuktok ng mga rock formation, mabigat magdala ng napilayan…magiging kawawa ang tagabuhat…

“The Crystal Lagoon”

Walang bayad ang paliligo dito, mag-ingat lang at wag pupunta sa malalim.

“Worm hole”

Maraming sea orchin sa batuhan, ingat sa paghawak at pagtapak lalo na kung manipis ang inyong tsenelas. First aid sa sea orchin venom ay ihi lang daw ng tao o kaya’y suka.

“Pool’s edge”

Mag-ingat sa matatarik na daan, matutulis ang bato…mahirap ang may kasama sa grupo na duguan.

“Below the ceiling”

Wag pakialaman ang mga pugad ng ibon. Bawal ang vandalism. At wag kalilimutang magsama ng mga barkada para mas enjoy ang “picture-picture”…. O ano, pupunta kayo? tara na!

Related posts -

Denver goes fishing!Bohol, Bo-ol!

Pintados - Kasady ...Conquering Cape E ...